Բրազիլիայում ընթացող ֆուտբոլի աշխարհի առաջնության 1/8 եզրափակիչ դուրս գալու հնարավորությունից զրկված Իսպանիայի հավաքականը խմբային փուլի վերջին խաղում խոշոր հաշվով առավելության հասավ Ավստրալիայի թիմի նկատմամբ, որը Բրազիլիայում միավոր չվաստակեց:
Իսպանիան հաշիվը բացեց 36-րդ րոպեին՝ Դավիդ Վիլյայի կրնկի հարվածով խփած գոլի շնորհիվ: Երկրորդ խաղակեսում աչքի ընկան նաեւ Ֆերնանդո Տորեսն ու Խուան Մատան:
Իսպանիայի ազգային հավաքականում 100-րդ հանդիպումն անցկացրեց «Բարսելոնայի» կիսապաշտպան, աշխարհի ու Եվրոպայի չեմպիոն Անդրես Ինյեստան:
Իսպանիայի հավաքականն ավարտեց ելույթն աշխարհի առաջնությունում՝ խմբում գրավելով երրորդ տեղը:
ԱԱ-2014. B խումբ, երրորդ տուր
Ավստրալիա - Իսպանիա՝ 0:3
Դավիդ Վիլյա, 36, Ֆերնանդո Տորես, 69, Խուան Մատա, 82
Հետևեք NEWS.am SPORT-ին Facebook-ում, Twitter և Telegram-ում