Դորտմունդի «Բորուսիայի» եւ Գերմանիայի հավաքականի պաշտպան Մատս Հումելսի՝ ֆուտբոլի աշխարհի առաջնության խմբային փուլի՝ Պորտուգալիայի դեմ խաղում ստացված վնասվածքը լուրջ չէ, հաղորդում է Goal.com-ը։
25-ամյա ֆուտբոլիստի խոսքով՝ եթե իր բախտը բերի, ապա նա խաղադաշտ կվերադառնա մի քանի օրից։
«Վնասել եմ ազդրս, այդ պատճառով փոխարինվեցի։ Միշտ կա վտանգ, որ վնասվածքը կարող է ավելի լուրջ լինել, քան առաջին հայացքից։ Սակայն եթե բախտս բերի, ապա մի քանի օրից առողջ կլինեմ»,- ասել է Հումելսը։
Հիշեցնենք, որ Գերմանիան հաղթել է 4։0 հաշվով, իսկ Հումելսը դարձել է գոլի հեղինակ։
Հետևեք NEWS.am SPORT-ին Facebook-ում, Twitter և Telegram-ում