Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը հունիսի 4-ին մեկնելու է Գերմանիա, որպեսզի հունիսի 6-ին ներկա գտնվի Գերմանիա - Հայաստան ընկերական խաղին:
Այս մասին NEWS.am Sport-ի թղթակցի հետ զրույցում ասաց 34-ամյա բռնցքամարտիկը:
«Մինչեւ հունիսի 4-ն եմ մնալու Հայաստանում. այդ օրը կմեկնեմ Գերմանիա. նախ՝ նրա համար, որ հունիսի 5-ին կարեւոր հանդիպում ունեմ, սակայն ամենաշատը՝ Գերմանիա - Հայաստան խաղին ներկա գտնվելու համար: Հենրիխ Մխիթարյանը եւ Յուրա Մովսիսյանն իմ ընկերներն են. շատ ուրախ եմ, որ Հայաստանում ֆուտբոլն այսպես զարգանում է»,- ասաց նա:
Անդրադառնալով ֆուտբոլի աշխարհի առաջնությանը՝ Արթուր Աբրահամը նշեց, որ հնարավոր է՝ մեկնի Բրազիլիա՝ հանդիպումներին հետեւելու:
«Չի բացառվում, որ կգնամ: Եթե ժամանակ ունենամ, անպայման կգնամ: Իսկ առաջնությանը երկրպագելու եմ Գերմանիային, Արգենտինային եւ Իսպանիային, ինչպես նաեւ՝ Բրազիլիային. այնպես չի, որ հատուկ նախասիրություն ունեմ»,- ավելացրեց բռնցքամարտիկը:
Հիշեցնենք, որ Արթուր Աբրահամը մայիսի 14-ից գտնվում է Հայաստանում:
Հետևեք NEWS.am SPORT-ին Facebook-ում, Twitter և Telegram-ում
12:14 , 19 ապրիլի 
11:40 , 19 ապրիլի 
11:09 , 19 ապրիլի 
10:43 , 19 ապրիլի 
10:12 , 19 ապրիլի 
09:42 , 19 ապրիլի 
09:04 , 19 ապրիլի 
02:04 , 19 ապրիլի 
01:55 , 19 ապրիլի 
01:52 , 19 ապրիլի 
