Սոչի-2014. Արման Սերեբրակյանը գրավեց 34-րդ տեղը

Հայաստանը ներկայացնող Արման Սերեբրակյանն ավարտեց ելույթը Սոչիում անցկացվող 22-րդ ձմեռային օլիմպիական խաղերում:

Լեռնադահուկի ոլորավայրէջքի մրցումների նախնական փուլում ամերիկահայ մարզիկը գրավել էր 60-րդ տեղը եւ դուրս էր եկել եզրափակիչ, որտեղ զբաղեցրեց 34-րդ տեղը: Նախնական փուլում Սերեբրակյանը գրանցել էր 55.90 վայրկյան արդյունք, իսկ եզրափակիչի գումարում՝ 2:00.57 վայրկյան: Եզրափակիչում եզրագիծը հատեցին 45 մարզիկներ: 

Այս մրցաձեւում ոսկե մեդալ նվաճեց ավստրիացի Մարիո Մատը: Նրա հայրենկից Մարսել Հիրշերը դարձավ արծաթե մեդալակիր, իսկ նորվեգացի Հենրիկ Կրիստոֆերսենը եզրափակեց եռյակը:

Հիշեցնենք, որ Արման Սերեբրակյանը փետրվարի 19-ին Սոչիում ուժերը փորձել էր նաեւ լեռնադահուկային սպորտի հսկա ոլորավայրէջքի մրցումներում՝ զբաղեցնելով 46-րդ տեղը։ 

22-րդ ձմեռային օլիմպիական խաղեր
Լեռնադահուկային սպորտ, ոլորավայրէջք

1. Մարիո Մատ (Ավստրիա) ՝ 1.41,84. 
2. Մարսել Հիրշերը (Ավստրիա) – 1.42,12. 
3. Հենրիկ Կրիստոֆերսեն (Նորվեգիա) – 1.42,67

34. Արման Սերեբրակյան (Հայաստան) - 2:00.57 (+18.73)

Ֆոտո՝ NEWS.am Sport

Հետևեք NEWS.am SPORT-ին Facebook-ում, Twitter և Telegram-ում