Նոբել Առուստամյան. Հենրիխ Մխիթարյանը խելահեղ առաջարկ էր ստացել «Անժիից»

«Радио Спорт»-ի գլխավոր խմբագիր, «НТВ-Плюс» հեռուստաընկերության մեկնաբան Նոբել Արուստամյանը պատմել է, որ Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը խելահեղ առաջարկ է ստացել Մախաչկալայի «Անժիից»։

«Մխիթարյանն «Անժիից» առաջարկ էր ստացել։ Այն պարզապես խելահեղ էր։ Սակայն նրա համար առաջնայինը ֆուտբոլն է։ Հենրիխը ցանկանում էր խաղալ առաջատար առաջնությունում»,- Առուստամյանի խոսքը մեջբերում է «Советский Спорт»-ը։

Գերմանիայի ընթացիկ առաջնությունում Մխիթարյանը մասնակցել է 8 հանդիպման, դարձել երեք գոլի եւ երեք գոլային փոխանցման հեղինակ։

Հիշեցնենք, որ 2013-ին Հայաստանի հավաքականի 24-ամյա կիսապաշտպանը գերմանական ակումբ է տեղափոխվել Դոնեցկի «Շախտյորից»: «Բորուսիան» Մխիթարյանին ձեռք բերելու համար վճարել է 27.5 միլիոն եվրո։ 

Հետևեք NEWS.am SPORT-ին Facebook-ում, Twitter և Telegram-ում