Արթուր Աբրահամի անվիճելի հաղթանակը

Գերմանիայի Օլդենբուրգ քաղաքում պրոֆեսիոնալ բռնցքամարտի սուպերմիջին քաշային կարգում աշխարհի նախկին չեմպիոն Արթուր Աբրահամը (38-4, 28 KO) WBO Intercontinental գոտու համար մենամարտում վստահ հաղթանակ տարավ 29-ամյա իտալացի  Ջովանի Դե Կարոլիսի (20-5 10 KO) նկատմամբ: Դե Կարոլիսը ոչ մի լուրջ հարված կատարել չկարողացավ: Մեծ ակտիվություն չէր ցուցաբերում նաեւ Աբրահամը: Մենամարտը ստուգողական էր եւ Աբրահամը 12 ռաունդից հետո հաղթեց 120:108, 119:109, 119:109 հաշվով:

Արթուր Աբրահամը WBO վարկածով սուպերմիջին քաշային կարգում աշխարհի չեմպիոնի հավակնորդն է: Աշխարհի չեմպիոնի գոտու համար Ռոբերտ Շտիգլիցի հետ մենամարտն անցկացվելու է 2014 թվականին։

Հետևեք NEWS.am SPORT-ին Facebook-ում, Twitter և Telegram-ում