Վլադիմիր Կլիչկոյին հետաքրքրել է «Բրոնզե ռմբակոծիչը»

Կա մի հսկա, սեւամորթ Դեոնթեյ Ուայլդերը, որի հասակը 2 մետր է, իսկ ձեռքերի ընդհանուր երկարությունը կազմում է 2.13 մետր, հայտարարել է պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոն՝ խոսելով իր հնարավոր հաջորդ մրցակցի մասին։

«Պրոֆեսիոնալ ռինգում նա մասնակցել է 29 մենամարտի, տարել 29 հաղթանակ։ Օգոստոսին նոկաուտի է ենթարկել բելառուս Սերգեյ Լյախովիչին։ Կարծում եմ, որ նրա հետ մենամարտը հետաքրքիր կլիներ։ Այլ հարց է, որ նրա վարկանիշը դեռ այդքան էլ բարձր չէ»,- Կլիչկոյի խոսքը մեջբերում է KP-ն։

27-ամյա Դեոնթեյի մականունը «Բրոնզե ռմբակոծիչ» է։

Հետևեք NEWS.am SPORT-ին Facebook-ում, Twitter և Telegram-ում