Երկար ժամանակ է հետեւում եմ Ալեքսանդրին, հայտարարել է պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոն։ Ռուսաստանցի Ալեքսանդր Պովետկինի հետ մենամարտին նվիրված մամուլի ասուլիսի ժամանակ ուկրաինացին գովել է իր մրցակցին։
«Նա գերազանց բռնցքամարտիկ է։ Պովետկինին կհամեմատեմ Մայք Թայսոնի հետ։ Հիանալի մենամարտ է լինելու։ Սա հիանալի հնարավորություն է բռնցքամարտը գովազդելու համար»,- Կլիչկոյի խոսքը մեջբերում է Sovsport.ru-ն։
Հիշեցնենք, որ Կլիչկոյի եւ Պովետկինի միջեւ մենամարտը կկայանա հոկտեմբերի 5-ին Մոսկվայի «Օլիմպիական» մարզահամալիրում:
Հետևեք NEWS.am SPORT-ին Facebook-ում, Twitter և Telegram-ում