Օլեգ Սալենկո. Հենրիխ Մխիթարյանի համար լավագույն տարբերակը Իսպանիայի առաջնությունն է

Յուրգեն Կլոպը մեծ մարզիչ է եւ ճիշտ կօգտագործի Մխիթարյանին, հայտարարել է Կիեւի «Դինամոյի» եւ Ռուսաստանի հավաքականի նախկին հարձակվող Օլեգ Սալենկոն՝ մեկնաբանելով Հայաստանի հավաքականի կիսապաշտպան Հենրիխ Մխիթարյանի տեղափոխությունը Դորտմունդի «Բորուսիա»։

«Շախտյորը» բազմաթիվ լավ հարձակողական ոճի ֆուտբոլիստներ ունի։ Դժվար է միանշանակ խոսել Մխիթարյանի հեռանալու հետեւանքների մասին։ Միացյալ մրցաշարը ցուցանիշ չէ, քանի որ այն ընկերական է։

Կարեւորը, որ Մխիթարյանը «Բորուսիայում» խաղա իր դիրքում։ Յուրգեն Կլոպը մեծ մարզիչ է եւ ճիշտ կօգտագործի կիսապաշտպանին։ Չէի համեմատի Մխիթարյանին եւ Գյոտցեին, քանի որ նրանք տարբեր են։

Կարծում եմ, որ Հենրիխի համար լավագույն տարբերակը Իսպանիայի առաջնությունն է, սակայն խաղաոճի առումով «Բորուսիան» այնքան էլ գերմանական թիմ չէ», - Սալենկոյի խոսքը մեջբերում է Итар-Тасс-ը։ 

Հետևեք NEWS.am SPORT-ին Facebook-ում, Twitter և Telegram-ում