Ալեքսեյ Անդրոնով. Հենրիխ Մխիթարյանի խաղը համապատասխանում է «Բորուսիային»

«Մխիթարյանի համար ճիշտ էր «Բորուսիան» ընտրելը: «Լիվերպուլը» արդեն մի քանի տարի է լավագույն վիճակում չէ, իսկ «Բորուսիան» անցյալ տարի դուրս եկավ Չեմպիոնների լիգայի եզրափակիչ: Այս տարի եւս իր առջեւ մեծ նպատակներ կդնի: Մխիթարյանին այնտեղ խաղալ այդքան էլ հեշտ չի լինի: Խաղալ 80 հազար  հանդիսականի ներկայությամբ դժվար է»:

Այդ մասին NEWS.am Sport-ի թղթակցի հետ զրույցում ասաց «НТВ Плюс» հեռուստաընկերության մեկնաբան Ալեքսեյ Անդրոնովը, ով գերմանական Բունդեսլիգայի եւ Դորտմունդի «Բորուսիայի» սիրահար է:

Ալեքսեյ, Ձեզ համար սպասելի՞ էր Հենրիխ Մխիթարյանի տեղափոխությունը Դորտմունդի «Բորուսիա»: 

Մխիթարյանի տրանսֆերը վերջին ժամանակներս շատ սպասելի էր: «Բորուսիան» հետաքրքրվում էր տարբեր ֆուտբոլիստներով, ադ թվում եւ ռուս Ալան Ձագոեւով: Գերմանական ակումբի ներկայացուցիչները եկել էին նրա խաղը դիտելու, բայց ամենայն հավանականությամբ որոշվեց փոխել թիմի խաղաոճը: Նրանք որոշեցին ձեռք բերել ֆուտբոլիստի, ով հարյուր տոկոսով նման չէ Գյոտցեին, ով լքեց թիմը: Մխիթարյանը վերջին ժամանաշրջանի իր ցուցադրած խաղով համապատասխանում է «Բորուսիային», բայց ինձ թվում էր, որ այդ դիրքում ամենից հավանականը «Այաքսի» ֆուտբոլիս Կրիստիան Էրիկսենն է, բայց ամենայն հավանականությամբ թիմերը չեկան համաձայնության կամ էլ Մխիթարյանն ավելի հետաքրքիր էր «Բորուսիայի» համար:

Ո՞ր թիմն էր առավել համապատասխանում Հենրիխին՝ «Լիվերպո՞ւլը», թե՞ «Բորուսիան»:

Արդեն դժվար կլինի ասել, թե որ ակումբում նա ավելի լավ խաղար, քանի որ մենք դա ստուգելու հնարավորություն չենք ունենա, բայց այս պահին «Լիվերպուլը» «Բորուսիային» մրցակից չէ: Այս թիմերի միջեւ, իհարկե, ճիշտ էր «Բորուսիան» ընտրելը: «Լիվերպուլը» արդեն մի քանի տարի է լավագույն վիճակում չէ, իսկ «Բորուսիան» անցյալ տարի դուրս եկավ Չեմպիոնների լիգայի եզրափակիչ: Այս տարի եւս իր առջեւ մեծ նպատակներ կդնի: Մխիթարյանին այնտեղ խաղալ այդքան էլ հեշտ չի լինի: Խաղալ 80 հազար  հանդիսականի ներկայությամբ դժվար է: Այնտեղ նրան պետք է լինելու ամեն րոպե ամբողջ ուժը ներդնել: Ուկրաինայի առաջնությունից հետո, դա փորձություն կլինի Մխիթարյանի համար:

«Բորուսիան» գրեթե երբեք մեծ գումարներ չի ծախսում տրանսֆերների վրա, իսկ այստեղ 27.5 միլիոն եվրո…

Այս դիքրի ֆուտբոլիստը պետք է էժան չարժենա: Նրանք շատ լավ գիտեին, որ պետք է ինչ-որ մեկին ձեռք բերել: Տարբերակ կար Ռոյսին տեղափոխել կենտրոն, նրանք ունեն անհրաժեշտ քանակությամբ եզրային կիսապաշտպաններ, բայց այդ դեպքում թիմի կազմը կթուլանար: «Բորուսիան» Չեմպիոնների լիգայում բավական գումար աշխատեց, ինչպես նաեւ Գյոտցեի տրանսֆերից: Գուցե շուտով Լեւանդովսկին էլ գնա եւ թիմին գումար բերի: Այս պահին, կարծում եմ, այսքան գումար ծախսելը արդարացված էր:

Ստացվում է՝ Մխիթարյանին վերցրեցին Գյոտցեի տեղը:

Ես գրեթե վստահ եմ, որ նա խաղալու է Գյոտցեի դիրքում: Ուղղակի հետաքրքիր կլինի դիտել, թե ինչպես Մխիթարյանը իրեն կդրսեւորի: «Շախտյորում» նրան շրջապատում էին բրազիլացիները: Դորտմունդում շեշտը դրվում է արագության վրա եւ նրա կողքին չեն լինի այդքան շատ տեխնիկապես զարգացած ֆուտբոլիստներ:

Դուք գերմանական Բունդեսլիգայի եւ «Բորուսիայի» երկրպագու եք: Ինչպե՞ս ընդունեցիք այս տրանսֆերը:

Ես ուրախ եմ, որ այս տրանսֆերը կայացավ եւ մեծ հետաքրքրությամբ եմ դրան վերաբերվում: Անկեղծ ասած, այնքան էլ վստահ չեմ, որ Մխիթարյանի մոտ կստացվի «Բորուսիայում», բայց այս պահին, անկասկած դրական եմ վերաբերվում այդ տեղափոխությանը:

Վերա Մարտիրոսյան

Հետևեք NEWS.am SPORT-ին Facebook-ում, Twitter և Telegram-ում