Արթուր Աբրահամ - Պետր Վիլշեւսկի մենամարտում լեհ բռնցքամարտիկը ոչ մի շանս չունի, Աբրահամը կհաղթի նոկաուտով: Այս կարծիքը հայտնել է առաջին ծանր քաշային կարգի WBO վարկածով աշխարհի չեմպիոն Մարկո Հուկը:
«Ես կարծում եմ, որ Աբրահամ – Վիլշեւսկի մենամարտը շատ լարված կլինի, բայց կհաղթի Աբրահամը, քանի որ նա զգալիորեն ուժեղ է մրցակցից:
Աբրահամի դեմ Վիշեւսկին շանս չունի: Մենամարտը կավարտվի նոկաուտով` Արթուրի օգտին»,- Sportbox.ru-ին տված հարցազրույցում ասել է բոսնիական ծագում ունեցող գերմանացի Մարկո Հուկը:
Հիշեցնենք, որ մարտի 31-ին, Երեւանի ժամանակով կեսգիշերից հետո ժամը 2-ին Գերմանիայի Քիլ քաղաքում 32-ամյա Արթուր Աբրահամը (33-3, 27 նոկաուտ) եւ 33-ամյա լեհ Պետր Վիլշեւսկին (30-2, 10 նոկաուտ) կմենամարտեն WBO վարկածով եվրոպական գոտու համար:
Հետևեք NEWS.am SPORT-ին Facebook-ում, Twitter և Telegram-ում