Աբրահամը կհաղթի նոկաուտով. Մարկո Հուկ
13:36 31 մարտի, 2012Արթուր Աբրահամ - Պետր Վիլշեւսկի մենամարտում լեհ բռնցքամարտիկը ոչ մի շանս չունի, Աբրահամը կհաղթի նոկաուտով: Այս կարծիքը հայտնել է առաջին ծանր քաշային կարգի WBO վարկածով աշխարհի չեմպիոն Մարկո Հուկը:
«Ես կարծում եմ, որ Աբրահամ – Վիլշեւսկի մենամարտը շատ լարված կլինի, բայց կհաղթի Աբրահամը, քանի որ նա զգալիորեն ուժեղ է մրցակցից:
Աբրահամի դեմ Վիշեւսկին շանս չունի: Մենամարտը կավարտվի նոկաուտով` Արթուրի օգտին»,- Sportbox.ru-ին տված հարցազրույցում ասել է բոսնիական ծագում ունեցող գերմանացի Մարկո Հուկը:
Հիշեցնենք, որ մարտի 31-ին, Երեւանի ժամանակով կեսգիշերից հետո ժամը 2-ին Գերմանիայի Քիլ քաղաքում 32-ամյա Արթուր Աբրահամը (33-3, 27 նոկաուտ) եւ 33-ամյա լեհ Պետր Վիլշեւսկին (30-2, 10 նոկաուտ) կմենամարտեն WBO վարկածով եվրոպական գոտու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։