Վլադիմիր Կլիչկոն հրաժարվել է կուբացի բռնցքամարտիկի հետ մենամարտից

Պրոֆեսիոնալ բռնցքամարտի գերծանրքաշային կարգում WBA, WBO, IBF եւ IBO վարկածներով աշխարհի չեմպիոն, ուկրաինացի Վլադիմիր Կլիչկոն (59-3, 50 նոկաուտ) հրաժարվել է կուբացի Օդլանյեր Սոլիսի հետ մենամարտից: Այդ մասին հայտարարել է կուբացի բռնցքամարտիկի պրոմոուտեր Ահմետ Աները, գրում է Boxingscene-ը:

Կողմերը մոտ էին փոխհամաձայնության գալուն, սակայն վերջին պահին Կլիչկոն հրաժարվել է մենամարտել կուբացու հետ: Սոլիսը պատրաստակամություն էր հայտնել մենամարտել ցածր գումարի դիմաց:

Վլադիմիր Կլիչկոն չեմպիոնական մենամարտի համար մրցակից է փնտրում: Թեկնածուների թվում է պուերտոռիկացի Ֆրեսո Օկուեդոն, ով WBA-ի վարկանիշային աղյուսակում 5-րդն է:

Ավելի վաղ Բռնցքամարտի համաշխարհային խորհուրդը (WBC) Կլիչկոյին թույլ էր տվել հետաձգել ռուս Ալեքսանդր Պովետկինի հետ մենամարտը մինչեւ հուլիսի 31-ը:

Հետևեք NEWS.am SPORT-ին Facebook-ում, Twitter և Telegram-ում