Լուիս դե լա Ֆուենտե․ Այս տարի «Ոսկե գնդակի» պետք է արժանանա իսպանացի ֆուտբոլիստ

Ֆուտբոլի աշխարհի ու Եվրոպայի չեմպիոն Իսպանիայի հավաքականի գլխավոր մարզիչ Լուիս դե լա Ֆուենտեն 2026թ․ «Ոսկե գնդակի» դափնեկիր է տեսնում իր ղեկավարած թիմի խաղացողի։

«Կարծում եմ՝ այս տարի «Ոսկե գնդակի» պետք է արժանանա իսպանացի ֆուտբոլիստ։ Բազմիցս ասել եմ, որ հիմա տեխնիկայով, մարտավարությամբ, խաղի ընկալմամբ եւ էլի շատ իմաստներով իսպանացի ֆուտբոլիստները լավագույնն են աշխարհում։ Նրանք կատարյալ ու ամբողջական են։ Խոսքը նաեւ դարպասապահների մասին է»,- Լուիս դե լա Ֆուենտեի խոսքը մեջբերում է AS-ը։

«Ոսկե գնդակի» 30 հավակնորդներից Իսպանիայի հավաքականի խաղացողներ են Պաու Կուբարսին, Մարկ Կուկուրելյան, Լամին Յամալը, Ռոդրին, Ֆաբիան Ռուիսը եւ Ֆերան Տորեսը։

«Ոսկե գնդակի» մրցանակաբաշխությունը տեղի կունենա հոկտեմբերի 26-ին Լոնդոնում։

Հետևեք NEWS.am SPORT-ին Facebook-ում, Twitter և Telegram-ում