«Միլանի» նախկին ֆուտբոլիստը միացավ «Նոային»

Ֆուտբոլի Հայաստանի փոխչեմպիոն «Նոան» պայմանագիր է կնքել 22-ամյա կենտրոնական հարձակվող Մարկո Լազետիչի հետ, հաղորդում է երեւանյան ակումբի մամուլի ծառայությունը։

Սերբ ֆուտբոլիստն կարիերան սկսել է Բելգրադի «Ցրվենա Զվեզդայում», որի հետ Սերբիայի կրկնակի չեմպիոն և մեկ անգամ էլ գավաթակիր դառնալուց հետո 2022 թվականին Մարկո Լազետիչը տեղափոխվել է իտալական «Միլան», որի կազմում դարձել է Իտալիայի չեմպիոն։

Մարկո Լազետիչը հանդես է եկել նաև նիդերլանդական «Ֆորտունա Սիտարդ», սերբական «Բաչկա Տոպոլա», ավստրիական «Ալթախ» ակումբներում։

Մարկո Լազետիչի նախորդ ակումբը եղել է շոտլանդական «Աբերդինը», որտեղից «Նոան» գնել է խաղացողի տրանսֆերը։

Հարձակվողը «Նոայում» հանդես կգա 8 համարի խաղաշապիկով։

Transfermarkt-ը Մարկո Լազետիչի տրանսֆերային արժեքը գնահատում է 1 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում