«Բարսելոնան» կամային հաղթանակի հասավ «Ռեալի» նկատմամբ (տեսանյութ)

Իսպանիայի առաջնության 35-րդ տուրում փոխչեմպիոն «Բարսելոնան» ընդունեց չեմպիոն Մադրիդի «Ռեալին» եւ հասավ կամային հաղթանակի 4:3 հաշվով։

5-րդ րոպեին հանդիպման հաշիվը բացեց Արքայական թիմի ֆրանսիացի հարձակվող Կիլիան Մբապեն՝ արդյունավետ իրացնելով 11-մետրանոցը։ 14-րդ րոպեին Մբապեն երկրորդ գոլը խփեց։

19-րդ րոպեին հաշվի տարբերությունը կրճատեց «Բարսելոնայի» իսպանացի պաշտպան Էրիկ Գարսիան։ 32-րդ րոպեին աչքի ընկավ կատալոնական թիմի եւ Իսպանիայի հավաքականի 17-ամյա եզրային հարձակվող Լամին Յամալը։ 34-րդ եւ 45-րդ րոպեներին աչքի ընկավ բրազիլացի հարձակվող Ռաֆինյան՝ հաշիվը դարձնելով 4:2։

70-րդ րոպեին հեթ-տրիկ ձեւակերպեց Կիլիան Մբապեն։

Ավելացված 5-րդ րոպեին գերմանացի Հանս-Դիտեր Ֆլիկի գլխավորած թիմի 5-րդ գոլը խփեց իսպանացի կիսապաշտպան Ֆերմին Լոպեսը, սակայն ձեռքով խաղի պատճառով այն չգրանցվեց։

Առաջնության ավարտից երեք տուր տարավ «Բարսելոնան» 82 միավորով գլխավորում է մրցաշարային աղյուսակը եւ 7 միավոր առաջ է երկրորդ տեղում գտնվող «Ռեալից»։

Իսպանիայի առաջնություն, 35-րդ տուր

«Բարսելոնա» - «Ռեալ Մադրիդ»՝ 4:3 

Էրիկ Գարսիա, 19, Լամին Յամալ, 32, Ռաֆինյա, 34, 45 - Կիլիան Մբապե, 5, 11մ, 14, 70

Հետևեք NEWS.am SPORT-ին Facebook-ում, Twitter և Telegram-ում