«Նոան» հաղթեց «Փյունիկին» եւ առաջին անգամ նվաճեց չեմպիոնի տիտղոսը (տեսանյութ)

«Նոան» առաջին անգամ նվաճեց ֆուտբոլի Հայաստանի չեմպիոնի տիտղոսը։

Պրեմիեր լիգայի 30-րդ տուրում պորտուգալացի Ռուի Մոտայի գլխավորած թիմն ընդունեց անցած տարվա չեմպիոն «Փյունիկին» եւ առավելության հասավ 2:1 հաշվով։

«Նոայի» գոլերը խփեցին 34-ամյա պաշտպան Հովհաննես Համբարձումյանն ու 31-ամյա բոսնիացի պաշտպան Ներմին Զոլոտիչը։

«Փյունիկից» աչքի ընկավ 26-ամյա ռուսաստանցի կիսապաշտպան Դանիիլ Կուլիկովը։

27 խաղից հետո «Նոան» վաստակեց 71 միավոր եւ 14 միավոր առաջ է երկրորդ տեղում գտնվող «Արարատ-Արմենիայից», որը 26 խաղ է անցկացրել։ «Փյունիկը» (28 խաղ) չորրորդն է՝ 50 միավոր։

Հայաստանի առաջնություն, 30-րդ տուր

«Նոա» - «Փյունիկ»՝ 2:1

Հովհաննես Համբարձումյան, 17, Ներմին Զոլոտիչ, 22 - Դանիիլ Կուլիկով, 45+3

Հետևեք NEWS.am SPORT-ին Facebook-ում, Twitter և Telegram-ում