GLADIADOR. pic.twitter.com/iiS0e4Z0vs
— CONMEBOL Copa América™️ (@CopaAmerica) June 27, 2024
ԱՄՆ-ում անցկացվող ֆուտբոլի Ամերիկայի գավաթի խմբային փուլի երկրորդ տուրում Վենեսուելայի հավաքականը 1:0 հաշվով պարտության մատնեց Մեքսիկային։ Միակ գոլը 57-րդ րոպեին 11-մետրանոցից խփեց մեքսիկական «Պաչուկայի» հարձակվող Սալոմոն Ռոնդոնը։
B խմբում Վենեսուելան երկու հաղթանակից հետո նվաճեց քառորդ եզրափակիչի ուղեգիրը։ Առաջին տուրում վենեսուելացիները 2:1 հաշվով հաղթել էին Էկվադորին։
Երկրորդ տուրում էկվադորցիները 3:1 հաշվով առավելության հասան Ջամայկայի նկատմամբ։
13-րդ րոպեին սեփական դարպասը գրավեց Ջամայկայի եւ անգլիական «Քովենթրիի» կիսապաշտպան Քեյսի Փալմերը: Առաջին խաղակեսի ավելացված չորրորդ րոպեին Էկվադորի առավելությունը կրկնապատկեց այդ երկրի «Ինդեպենդիենտեի» կիսապաշտպան Քենդրի Պաեսը։
54-րդ րոպեին հաշվի տարբերությունը կրճատեց Ջամայկայի եւ Լոնդոնի «Վեստ Հեմի» հարձակվող Մայքլ Անտոնիոն։
Էկվադորցիների երրորդ գոլը ավելացված առաջին րոպեին խփեց բելգիական «Բրյուգեի» հարձակվող Ալան Մինդան։
Էկվադորը 3 միավորով երկրորդն է։ Նույնքան միավոր ունի նաեւ երրորդ տեղում գտնվող Մեքսիկան։ Վերջին տուրում այս թիմերը կխաղան իրար դեմ՝ վիճարկելով քառորդ եզրափակիչի ուղեգիրը։ Ջամայկան երկու պարտությունից հետո զրկվեց փլեյ-օֆֆ դուրս գալու հնարավորությունից։
Queda mucho por jugar, Grupo B pic.twitter.com/rwZGWiiJMW
— CONMEBOL Copa América (@CopaAmerica) June 27, 2024
Հետևեք NEWS.am SPORT-ին Facebook-ում, Twitter և Telegram-ում