Անգլիական «Էվերտոնը» երկարաձգեց համագործակցությունը Անգլիայի հավաքականի նախկին խաղացող Էշլի Յանգի հետ։ 38-ամյա կիսապաշտպանի նոր պայմանագիրը նախատեսված է մինչեւ 2025թ․ հունիս, հաղորդում է լիվերպուլյան ակումբի կայքը։
Էշլի Յանգն անցած ամռանն է ազատ գործակալի կարգավիճակում միացել «Էվերտոնին», որի կազմում մասնակցել է 31 հանդիպման։
Էշլի Յանգը հանդես է եկել նաեւ «Ուոթֆորդում», «Աստոն Վիլայում», «Մանչեսթեր Յունայթեդում» եւ Միլանի «Ինտերում», որի հետ դարձել է Իտալիայի չեմպիոն։ «Մանչեսթեր Յունայթեդի» կազմում նա դարձել է Անգլիայի չեմպիոն, գավաթակիր, սուպերգավաթակիր, Անգլիական լիգայի գավաթակիր, Եվրոպայի լիգայի գավաթակիր։
Հետևեք NEWS.am SPORT-ին Facebook-ում, Twitter և Telegram-ում