01:54  ,  2 նոյեմբերի, 2023

«Բավարիայի» սենսացիոն պարտությունը (տեսանյութ)

Ֆուտբոլի Գերմանիայի գավաթի խաղարկության 1/16 եզրափակիչում սենսացիոն պարտություն կրեց չեմպիոն Մյունխենի «Բավարիան»՝ դուրս մնալով պայքարից։ Գերմանացի Թոմաս Տուխելի գլխավորած թիմը հյուրընկալվեց երրորդ լիգայում հանդես եկող «Սաարբրյուկենին», որն առավելության հասավ 2:1 հաշվով (տեսանյութ

16-րդ րոպեին խաղի հաշիվը բացեց «Բավարիայի» գերմանացի հարձակվող Թոմաս Մյուլերը։ Առաջին խաղակեսի ավելացված ժամանակում պատասխան գոլը խփեց գերմանացի կիսապաշտպան Պատրի Զոնտհայմերը։

«Սաարբրյուկենի» հաղթական գոլն ավելացված 6-րդ րոպեին խփեց գերմանացի կիսապաշտպան Մարցել Գաուսը՝ իր թիմին դուրս բերելով 1/8 եզրափակիչ։

Հետևեք NEWS.am SPORT-ին Facebook-ում, Twitter և Telegram-ում