Վլադիմիր Կլիչկոն հրաժարվել է 5 միլիոն եվրոյից

Sauerland Event պրոմոուտերական ընկերությունը գերմանացի բռնցքամարտիկ Մարկո Հուկի հետ մենամարտ անցկացնելու համար Ուկրաինայի ներկայացուցիչ, WBA, WBO, IBF եւ IBO վարկածներով աշխարհի չեմպիոն Վլադիմիր Կլիչկոյին առաջարկել է 5 միլիոն եվրո, սակայն ուկրաինացին հրաժարվել է։ Այդ մասին հայտարարել է Sauerland Event-ի պրոմոուտեր Կալե Զաուերլանդը, ով ներկայացնում է Մարկո Հուկի շահերը։

«Կլիչկոն հրաժարվեց մեր առաջարկից 20 րոպե մտածելուց հետո։ Այնպիսի տպավորություն է կարծես Վլադիմիրը խուսափում է Մարկո Հուկից։ Սակայն ես չեմ հանգստանա, եւ առաջիկայում ավելի գայթակղիչ առաջարկ կանեմ Կլիչկոյին»,- Զաուերլանդի խոսքը փոխանցում է Bild-ը։

WBO վարկածով առաջին ծանրքաշային կարգի (մինչեւ 90,7 կգ) չեմպիոն Մարկո Հուկը նոյեմբերի 3-ին տիտղոսի պաշտպանության մենամարտ կանցկացնի՝ ուժերը չափելով Ֆարիատ Արսլանի հետ։

Հետևեք NEWS.am SPORT-ին Facebook-ում, Twitter և Telegram-ում