FTX Crypto Cup. Արոնյանն ու Կարլսենը պարտվեցին

Մայամիում անցկացվող շախմատի արագ խաղի FTX Crypto Cup մրցաշարի 5-րդ տուրում  Հայաստանի հավաքականի նախկին առաջատար Լեւոն Արոնյանը (ԱՄՆ) չորս պարտիայում 0,5:2,5 հաշվով պարտվեց հոլանդացի Անիշ Գիրիից եւ 5 միավորով նախավերջին տեղում է։

Պարտություն կրեց նաեւ համաշխարհային դասակարգման առաջատար, աշխարհի չեմպիոն, նորվեգացի Մագնուս Կարլսենը, որի մրցակիցը լեհ Յան-Կշիշտոֆ Դուդան էր։ Չորս պարտիայից հետո հաշիվը հավասար էր՝ 2:2: Թայ-բրեյքում Դուդան երկու հաղթանակ տարավ։ Կարլսենը 13 միավորով պահպանեց առաջին տեղը։

Մրցաշարի ավարտին մնացել է երկու տուր։ FTX Crypto Cup-ի մրցանակային հիմնադրամը 210 հազար դոլար է, գումարած 100 հազար դոլարի բիթքոյին։ FTX Crypto Cup-ը Meltwater Champions Chess Tour (ընդհանուր մրցանակային հիմնադրամը 1,6 միլիոն դոլար է) շարքի մրցաշար է։

Magnus Carlsen lost to Jan-Krzysztof Duda, but as he reached tiebreaks while Praggnanandhaa didn't he takes a 1-point lead into the final two rounds! Firouzja is now within striking distance: https://t.co/mxGOrwExxe #c24live #ChessChamps #FTXCryptoCup pic.twitter.com/uBbl2BPu0J

— chess24.com (@chess24com) August 19, 2022

Հետևեք NEWS.am SPORT-ին Facebook-ում, Twitter և Telegram-ում