Գերմանական «ՌԲ Լայպցիգը» դուրս եկավ Եվրոպայի լիգայի կիսաեզրափակիչ՝ պայքարից դուրս թողնելով իտալական «Ատալանտային»։
Բերգամոյում տեղի ունեցած քառորդ եզրափակիչի պատասխան խաղում գերմանացի Դոմենիկո Տեդեսկոյի գլխավորած թիմն առավելության հասավ 2:0 հաշվով։
18-րդ րոպեին աչքի ընկավ ֆրանսիացի կիսապաշտպան Կրիստոֆեր Նկունկուն, որը 87-րդ րոպեին դուբլ ձեւակերպեց՝ արդյունավետ իրացնելով 11 մետրանոցը։
Թիմերի առաջին խաղում գրանցվել էր ոչ ոքի՝ 1։1։
Կիսաեզրափակիչում «ՌԲ Լայպցիգի» մրցակիցը կլինի շոտլանդական «Գլազգո Ռեյնջերսի» եւ պորտուգալական «Բրագայի» դիմակայության հաղթողը։
«Ատալանտա» (Իտալիա) - «ՌԲ Լայպցիգ» (Գերմանիա)՝ 0։2 (տեսանյութ), (առաջին խաղ՝ 1։1)
Կրիստոֆեր Նկունկու, 18, 87, 11մ
«Բարսելոնա» (Իսպանիա) - «Այնտրախտ Ֆրանկֆուրտ» (Գերմանիա)՝ 23։00 (Երեւանի ժամանակ), (առաջին խաղ՝ 1։1)
«Լիոն» (Ֆրանսիա) - «Վեստ Հեմ» (Անգլիա)՝ 23։00 (առաջին խաղ՝ 1։1)
«Գլազգո Ռեյնջերս» (Շոտլանդիա) - «Բրագա» (Պորտուգալիա)՝ 23։00 (առաջին խաղ՝ 0։1)
Հետևեք NEWS.am SPORT-ին Facebook-ում, Twitter և Telegram-ում