Երեւանի «Նոան» հաղթանակով մեկնարկեց ՈւԵՖԱ-ի նորաստեղծ մրցաշար Կոնֆերենցիաների լիգայի որակավորման առաջին փուլում:
Հայաստանի փոխչեմպիոնը Վազգեն Սարգսյանի անվան «Հանրապետական» ստադիոնում ընդունեց Ֆինլանդիան ներկայացնող «ԿուՊՍ»-ին եւ առավելության հասավ նվազագույն հաշվով։ 77–րդ րոպեին սեփական դարպասը գրավեց Անտոն Պոպովիչը։
Պատասխան հանդիպումը Ֆինլանդիայում տեղի կունենա հուլիսի 15–ին։
Կուոպիո քաղաքը ներկայացնող թիմը Ֆինլանդիայի 6-ակի չեմպիոն է, նախորդ անգամ երկրի չեմպիոնի կոչումը նվաճել է 2019-ին:
Այս զույգի հաղթողին որակավորման երկրորդ փուլում սպասում է ուկրաինական «Վորսկլա Պոլտավան»:
Կոնֆերենցիաների լիգա, որակավորման առաջին փուլ, առաջին հանդիպում
«Նոա» (Հայաստան) - «ԿուՊՍ» (Ֆինլանդիա)` 1։0
Անտոն Պոպովիչ, 77, ինքնագոլ
«Ֆեհերվար» (Հունգարիա) - «Արարատ» (Հայաստան)՝ 22:00 (Երեւանի ժամանակ)
Գլխավոր մրցավար՝ Իոն Օրլիչ (Մոլդովա)
«Մարիբոր» (Սլովենիա) – «Ուրարտու» (Հայաստան)՝ 22:45
Գլխավոր մրցավար՝ Նաթան Վերբումեն (Բելգիա)
Հետևեք NEWS.am SPORT-ին Facebook-ում, Twitter և Telegram-ում