Ֆուտբոլի Իտալիայի հավաքականի եւ Թուրինի «Յուվենտուսի» պաշտպան Ջորջո Կիելինին ապաքինվել է վնասվածքից, որը ստացել էր Եվրո–2020–ի խմբային փուլի երկրորդ տուրում։ Իտալացիները 3։0 հաշվով հաղթել էին Շվեյցարիային։ Կիելինին բաց թողեց երրորդ տուրը։
36–ամյա ֆուտբոլիստը վերսկսել է մարզումներն ընդհանուր խմբում եւ պատրաստ կլինի Եվրո–2020–ի 1/8 եզրափակիչի հանդիպմանը։
Հունիսի 26–ին իտալացիները Լոնդոնում կմրցեն Ավստրիայի հավաքականի հետ։ Հանդիպումը կմեկնարկի Երեւանի ժամանակով 23։00–ին։
Հետևեք NEWS.am SPORT-ին Facebook-ում, Twitter և Telegram-ում