Ֆուտբոլի Դանիայի և Ֆինլանդիայի հավաքականների միջև Եվրո-2020-ի B խմբի առաջին տուրի հանդիպումը (0:0) կշարունակվի այսօր՝ հունիսի 12-ին: Խաղը կմեկնարկի Երևանի ժամանակով 22:30-ին, հայտնում է Եվրո-2020-ի մամուլի ծառայությունը:
Դանիայի մայրաքաղաք Կոպենհագենի «Պարկեն» ստադիոնում անցկացվող հանդիպումը դադարեցվել էր բժշկական նկատառումներով: Դանիայի հավաքականի կիսապաշտպան Կրիստիան Էրիկսենը կորցրել էր գիտակցությունն առաջին խաղակեսի վերջնամասում և ընկել խոտածածկին:
Բժիշկները պայքարում էին իտալական «Ինտերի» 29-ամյա ֆուտբոլիստի կյանքի համար՝ կատարելով սրտի մերսում:
Էրիկսենին մոտ 20 րոպե խաղադաշտում բուժօգնություն ցուցաբերելուց հետո շտապօգնության մեքենայով տեղափոխել էին հիվանդանոց: Դանիայի հավաքականի ֆուտբոլիստները սպիտակ սավանով ծածկել էին պատգարակը: Դանիացին արդեն գիտակցության էր եկել:
Կրիստիան Էրիկսենի կինը տրիբունայից իջել էր խաղադաշտ: Դանիայի հավաքականի ֆուտբոլիստները փորձում էին հանգստացնել նրան: Կնոջը թույլ չէին տալիս մոտենալ ամուսնուն:
Դրանից հետո ՈւԵՖԱ-ն պաշտոնապես հայտարարել էր, որ ֆուտբոլիստի վիճակը կարգավորվել է:
Կրիստիան Էրիկսենի գործակալ Մարտին Շոտսը սոցցանցերում հայտնել է, որ կիսապաշտպանն արդեն ինքնուրույն շնչում է և հաղորդակցվում հարազատների հետ:
Following the request made by players of both teams, UEFA has agreed to restart the match between Denmark and Finland tonight at 20:30 CET.
— UEFA EURO 2020 (@EURO2020) June 12, 2021
The last four minutes of the first half will be played, there will then be a 5-minute half-time break followed by the second half.
Հետևեք NEWS.am SPORT-ին Facebook-ում, Twitter և Telegram-ում