Հայաստանի ազգային հավաքականի նորեկ, «Կրասնոդար-2»-ի 20-ամյա կիսապաշտպան Էդուարդ Սպերցյանը Ռուսաստանի առաջին դիվիզիոնի ավարտված առաջնության մինչև 23 տարեկան 5 լավագույն խաղացողների թվում է լիգայի վարկածով:
Ռուսաստանի առաջին դիվիզիոնի ավարտված առաջնությունում Էդուարդ Սպերցյանը մասնակցել է 31 խաղի, դարձել 16 գոլի ու 4 գոլային փոխանցման հեղինակ։ Օրեր առաջ նա հրավիրվել էր Հայաստանի ազգային հավաքական՝ մասնակցելու առաջիկա ընկերական խաղերին:
Հիշեցնենք, որ Սպերցյանը Հայաստանի հավաքականում նորամուտը նշել էր Ռումինիայի հավաքականի հետ աշխարհի առաջնության ընտրական մրցաշարի երրորդ տուրի խաղում (3:2), որտեղ դուրս էր եկել փոխարինման, դարձել գոլի հեղինակ ու վաստակել 11 մետրանոց հարված։ Հայաստանի հավաքականը մայիսի 28-ից հունիսի 5-ը կանցկացնի հավաք, որի ընթացքում ընկերական խաղերում կմրցի աշխարհի գործող փոխչեմպիոն Խորվաթիայի (hունիսի 1) և Շվեդիայի (hունիսի 5) հավաքականների հետ։
Հետևեք NEWS.am SPORT-ին Facebook-ում, Twitter և Telegram-ում