Օսկար. Ցանկանում եմ վերադառնալ Եվրոպա

Չինական «Շանհայում» հանդես եկող բրազիլացի կիսապաշտպան Օսկարը հայտարարել է, որ ցանկություն ունի վերադառնալ եվրոպական ֆուտբոլ:

«Ես շատ եմ ցանկանում վերադառնալ Եվրոպա, սակայն գործող պայմանագիր ունեմ «Շանհայի» հետ: Հասկանում եմ, որ բարդ կլինի պայմանագիր կնքել եվրոպական որևէ ակումբի հետ, սակայն իմ գործակալն աշխատում է այդ ուղղությամբ:

Իհարկե, առաջին ակումբը, որտեղ կցանկանամ տեղափոխվել, դա «Չելսին» է: Ես շատ լավ պահեր եմ ունեցել այդ թիմում»,- 29-ամյա ֆուտբոլիստի խոսքը փոխանցում է FOX Sports-ը:

Հիշեցնենք, որ Օսկարը «Չելսիում» հանդես է եկել 2012-2017 թվականներին, այնուհետև տեղափոխվել է «Շանհայ»:

Հետևեք NEWS.am SPORT-ին Facebook-ում, Twitter և Telegram-ում