Պորտուգալիան Մարտինեսի օրոք առաջին անգամ պարտվեց պաշտոնական խաղում

Ֆուտբոլի Պորտուգալիայի հավաքականը գլխավոր մարզիչի պաշտոնում իսպանացի Ռոբերտո Մարտինեսի նշանակումից հետո առաջին պարտությունը կրեց 15 պաշտոնական խաղում։

Եվրո-2024-ի խմբային փուլի երրորդ տուրի խաղում պորտուգալացիները 0:2 հաշվով տանուլ տվեցին Վրաստանին, որը 4 միավորով երրորդ տեղից դուրս եկավ 1/8 եզրափակիչ։ Պորտուգալիան երկրորդ տուրում էր ապահովել տեղը փլեյ-օֆֆում։

Պորտուգալիան Մարտինեսի օրոք կրել է երկու պարտություն ընկերական խաղերում Սլովենիայից (0:2) եւ Խորվաթիայից (1:2)։

Պաշտոնական խաղում Պորտուգալիան նախորդ անգամ պարտվել է 2022թ․ աշխարհի առաջնության քառորդ եզրափակիչում Մարոկկոյին (0:1) Ֆերնանդու Սանտուշի օրոք։

Հետևեք NEWS.am SPORT-ին Facebook-ում, Twitter և Telegram-ում