Երևանի «Փյունիկ» ակումբի փոխնախագահ, նախկինում հայտնի ֆուտբոլիստ Ալեքսանդր Տարխանովը խոսել է իր առողջական վիճակի մասին, նաև պատմել, թե ինչով է զբաղվում ֆուտբոլային դադարի ընթացքում:
«Ես ինքնամեկուսացած եմ Մոսկվայից ոչ հեռու գտնվող իմ տանը: Հիվանդանոցում 17 օր անցկացնելուց և լիարժեք բուժվելուց հետո ես այժմ ինձ հիանալի եմ զգում: Ամեն առավոտ պարտադիր դուրս եմ գալիս, զբոսնում եմ, նախավարժանք եմ կատարում, իսկ ազատ ժամանակ դիտում եմ Բունդեսլիգայի հանդիպումները:
Իմ որդիները վարակվել էին կորոնավիրուսով, սակայն ամեն ինչ կարգին է, նրանք արդեն ապաքինվել են:
Ինչ վերաբերում է Հայաստանին, ապա այնտեղ իրավիճակն անհամեմատ ավելի լավ է, քան Ռուսաստանում: Հայաստանում ֆուտբոլային ակումբներին արդեն թույլատրվել է վերսկսել մարզումները: Շուտով կվերսկսվի նաև առաջնությունը: Անհամբերությամբ սպասում եմ ֆուտբոլի վերադարձին»,- Տարխանովի խոսքը փոխանցում է Sport Express-ը:
Հիշեցնենք, որ «Փյունիկը» Բարձրագույն խմբի 17 տուրերից հետո 23 միավորով մրցաշարային աղյուսակի 7-րդ տեղում է:
Հետևեք NEWS.am SPORT-ին Facebook-ում, Twitter և Telegram-ում
01:10 , 26 ապրիլի 
00:57 , 26 ապրիլի 
00:32 , 26 ապրիլի 
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
