Աբրահամ Խաշմանյանը կգլխավորի Հայաստանի հավաքականը

Հայաստանի ֆուտբոլի ֆեդերացիայի նախագահ Արթուր Վանեցյանը լուսանկար է հրապարակել սեպտեմբերին Երեւանի «Ալաշկերտից» հեռացված Աբրահամ Խաշմանյանի հետ։

Սպասվում է, որ հենց նա կղեկավարի Հայաստանի ազգային հավաքականը Եվրո-2020-ի ընտրական մրցաշարի վերջին երկու հանդիպումներում Հունաստանի եւ Իտալիայի թիմերի դեմ։

«Ալաշկերտը» Խաշմանյանի գլխավորությամբ դարձել է Հայաստանի կրկնակի չեմպիոն, գավաթակիր եւ սուպերգավաթակիր։

Հիշեցնենք, որ ռուսական «Տամբովից» հեռացված Ալեքսանդր Գրիգորյանի թեկնածությունը եւս քննարկվում էր, սակայն ՀՖՖ-ի ղեկավարության մի մասը դեմ է դուրս եկել նրա նշանակմանը։

Հետևեք NEWS.am SPORT-ին Facebook-ում, Twitter և Telegram-ում