Ֆուտբոլի Հայաստանի ազգային հավաքականի և գերմանական «Հոֆենհայմի» հարձակվող Սարգիս Ադամյանը ճանաչվել է գերմանական ակումբի հոկտեմբեր ամսվա լավագույն ֆուտբոլիստ, հայտնում է ակումբի մամուլի ծառայությունը:
Սարգիս Ադամյանի հետ հոկտեմբեր ամսվա լավագույն ֆուտբոլիստի կոչմանը հավակնում էին նաև գերմանացի պաշտպան Բենջամին Հյուբներն ու խորվաթ հարձակվող Անդրեյ Կրամարիչը: Հայաստանի հավաքականի հարձակվողը հաղթող է ճանաչվել՝ ստանալով ընդհանուր ձայների 83 տոկոսը:
Հիշեցնենք, որ Սարգիս Ադամյանը հոկտեմբերին տեղի ունեցած «Բավարիայի» դեմ խաղում հաղթանակ պարգևեց իր թիմին՝ դառնալով դուբլի հեղինակ:
Գերմանիայի գավաթի խաղարկության երկրորդ շրջանի՝ «Դույսբուրգի» հետ խաղում Սարգիս Ադամյանի գոլն օգնեց «Հոֆենհայմին» դուրս գալ հաջորդ փուլ:
A-D-A-M-Y-A-N
— TSG Hoffenheim EN (@achtzehn99_en) November 5, 2019
You have chosen: Sargis #Adamyan is your player of the month October! Those goals against @FCBayernEN were just too good... pic.twitter.com/cQTZxkadzB
Հետևեք NEWS.am SPORT-ին Facebook-ում, Twitter և Telegram-ում