09:47  ,  30 հոկտեմբերի, 2019

ՈւԵՖԱ-ն պատժել է Բուլղարիայի հավաքականին

Եվրո-2020-ի ընտրական մրցաշարի Բուլղարիա - Անգլիա (0:6) հանդիպման ժամանակ բուլղարացի ֆանատների ռասիստական վանկարկումների պատճառով ՈւԵՖԱ-ն պատժել է Բուլղարիայի հավաքականին, որը հաջորդ ընտրական հանդիպումը կանցկացնի առանց հանդիսականների։

Բուլղարիայի ֆուտբոլի ֆեդերացիան տուգանվել է 75 հազար եվրոյով։ Առաջիկա երկու տնային հանդիպումներում Բուլղարիան պարտավոր կլին ստադիոնում տեղադրել No To Racism գրությամբ բաներներ, հայտնում է ՈւԵՖԱ-ի մամուլի ծառայությունը։

Հիշեցնենք, որ այդ սկանդալից հետո Բուլղարիայի ֆուտբոլի ֆեդերացիայի նախագահ Բորիսլավ Միխայլովը հեռացել էր պաշտոնից։

Բուլղարիայի հավաքականը Եվրո-2020-ի ընտրական փուլի հաջորդ հանդիպումը կանցկացնի նոյեմբերի 17-ին՝ ընդունելով Չեխիայի հավաքականին։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով