ՈւԵՖԱ-ն պատժել է Բուլղարիայի հավաքականին
09:47 30 հոկտեմբերի, 2019Եվրո-2020-ի ընտրական մրցաշարի Բուլղարիա - Անգլիա (0:6) հանդիպման ժամանակ բուլղարացի ֆանատների ռասիստական վանկարկումների պատճառով ՈւԵՖԱ-ն պատժել է Բուլղարիայի հավաքականին, որը հաջորդ ընտրական հանդիպումը կանցկացնի առանց հանդիսականների։
Բուլղարիայի ֆուտբոլի ֆեդերացիան տուգանվել է 75 հազար եվրոյով։ Առաջիկա երկու տնային հանդիպումներում Բուլղարիան պարտավոր կլին ստադիոնում տեղադրել No To Racism գրությամբ բաներներ, հայտնում է ՈւԵՖԱ-ի մամուլի ծառայությունը։
Հիշեցնենք, որ այդ սկանդալից հետո Բուլղարիայի ֆուտբոլի ֆեդերացիայի նախագահ Բորիսլավ Միխայլովը հեռացել էր պաշտոնից։
Բուլղարիայի հավաքականը Եվրո-2020-ի ընտրական փուլի հաջորդ հանդիպումը կանցկացնի նոյեմբերի 17-ին՝ ընդունելով Չեխիայի հավաքականին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։