Բեյլը բաց է թողել «Ռեալի» մարզումն ու մեկնել Լոնդոն

Մադրիդի «Ռեալի» և Ուելսի ազգային հավաքականի կիսապաշտպան Գարեթ Բեյլը հոկտեմբերի 29-ին մեկնել է Լոնդոն, հայտնում է AS-ը:

Բեյլը Լոնդոնում հանդիպում կունենա իր գործակալ Ջոնաթան Բարնետի հետ, որն այժմ բանակցություններ է վարում ձմեռային տրանսֆերային պատուհանի ընթացքում 30-ամյա կիսապաշտպանի տեղափոխության շուրջ:

Լոնդոն մեկնելուց առաջ Բեյլը ստացել է «Ռեալի» ղեկավարության թույլտվությունը, սակայն Արքայական ակումբի նախագահին դուր չի եկել այն, որ Բեյլը չի մասնակցել թիմի մարզմանը:

Ավելի վաղ իսպանական պարբերականները հաղորդում էին, որ «Ռեալի» ղեկավարությունը որոշել է ձմռանը վաճառել Բեյլի տրանսֆերային իրավունքը:

Հետևեք NEWS.am SPORT-ին Facebook-ում, Twitter և Telegram-ում