Բրազիլիայի ազգային հավաքականի կիսապաշտպան Ֆիլիպե Կոուտինյոն առաջին մարզումն է անցկացրել Գերմանիայի չեմպիոն Մյունխենի «Բավարիայի» կազմում, հայտնում է ակումբի պաշտոնական կայքը:
Կոուտինյոն ընթացիկ մրցաշրջանը վարձակալությամբ կանցկացնի «Բավարիայում»: Գերմանական ակումբը հնարավորություն ունի մրցաշրջանի ավարտին ձեռք բերել բրազիլացի կիսապաշտպանի տրանսֆերային իրավունքը:
Կոուտինյոն «Բարսելոնա» էր տեղափոխվել 2018թ․ հունվարին «Լիվերպուլից» 145 միլիոն եվրոյով։ Նրա պայմանագիրը կատալոնական ակումբի հետ նախատեսված է մինչեւ 2023թ․ հունիս։
Հետևեք NEWS.am SPORT-ին Facebook-ում, Twitter և Telegram-ում