Դորտմունդի «Բորուսիայի» ու Հայաստանի ազգային հավաքականի կիսապաշտպան Հենրիխ Մխիթարյանը խոսել է ֆուտբոլի Եվրոպայի 2016թ. առաջնության ընտրական փուլի առաջին տուրում դանիացիներից 1:2 հաշվով կրած պարտութան մասին:
«Կասեմ, որ դժգոհ եմ արդյունքից: Պարտվեցինք 1:2 հաշվով, սակայն կարող էինք ոչ ոքի խաղալ կամ հաղթել: Ֆուտբոլն այսպիսին է:
Իմ խփած գոլից հետո խաղն ավելի բացվեց, եւ երկու թիմերն էլ հնարավորութուններ ունեցան, բայց ստացվեց այնպես, որ Դանիայի հավաքականը խփեց 2 գոլ»,- Մխիթարյանի խոսքը մեջբերում է ՈւԵՖԱ-ի կայքը:
Հիշեցնենք, որ Կոպենհագենի «Պարկեն» ստադիոնում կայացած խաղում Հայաստանի հավաքականը Հենրիխ Մխիթարյանի գոլի շնորհիվ երկրորդ խաղակեսում բացեց հաշիվը, սակայն դանիացիները խփեցին 2 գոլ՝ տանելով կամային հաղթանակ:
Հետևեք NEWS.am SPORT-ին Facebook-ում, Twitter և Telegram-ում