Անգլիայի առաջնության 33-րդ տուրում «Մանչեսթեր Յունայթեդը» մրցակցի խաղադաշտում 1։2 հաշվով պարտություն կրեց «Վուլվերհեմփթոնից»։
Նորվեգացի Ուլե-Գունար Սուլշերի գլխավորած թիմը հաշիվը բացեց 13-րդ րոպեին շոտլանդացի կիսապաշտպան Սքոթ Մաքթոմինայի գոլի շնորհիվ։ Սակայն արդեն 25-րդ րոպեին դաշտի տերերը կարողացան վերականգնել հավասարությունը։
57-րդ րոպեին «Մանչեսթեր Յունայթեդը» մնաց 10 ֆուտբոլիստներով։ Երկրորդ դեղին քարտի պատճառով հեռացվեց անգլիացի պաշտպան Էշլի Յանգը։ 77-րդ րոպեին էլ սեփական դարպասը գրավեց անգլիացի պաշտպան Կրիս Սմոլինգը։
«Մանչեսթեր Յունայթեդը» 32 խաղից հետո 61 միավորով մնաց 5-րդ տեղում։ 31 հանդիպում անցակացրած «Չելսին» ունի, 60, «Տոտենհեմը»՝ 61, «Արսենալը»՝ 63 միավոր։
Անգլիայի առաջնություն, 33-րդ տուր
«Վուլվերհեմփթոն» - «Մանչեսթեր Յունայթեդ»՝ 2։1 (տեսանյութ)
Դիոգու Ժոտա, 25, Կրիս Սմոլինգ, 77, ինքնագոլ - Սքոթ Մաքթոմինայ, 13
Հեռացում՝ Էշլի Յանգ («Մանչեսթեր Յունայթեդ»), 57, երկրորդ դեղին քարտ
Հետևեք NEWS.am SPORT-ին Facebook-ում, Twitter և Telegram-ում