Մադրիդի «Աթլետիկոյի» իսպանացի հարձակվող Ալվարո Մորատան մեկնաբանել է տեսակրկնապատկերների VAR համակարգի աշխատանքը Թուրինի «Յուվենտուսի» դեմ ֆուտբոլի Չեմպիոնների լիգայի 1/8 եզրափակիչի առաջին խաղում: Երկրորդ խաղակեսի միջնամասում հանդիպման գլխավոր մրցավարը VAR համակարգով կրկնապատկերը դիտելուց հետո չեղյալ էր հայտարարել Մորատայի գոլն իր նախկին թիմի դարպասը:
«Կյելինին աշխարհի ամենահամառ ու ամուր պաշտպաններից է: Սովորաբար ավելի մեծ ջանքեր են պահանջվում նրան տապալելու համար: Եթե ես ընկնեի, դժվար թե մրցավարը նշանակեր 11 մետրանոց: Այնպես որ, չեղյալ հայտարարեցին եւս մեկ մաքուր գոլ: Սակայն կարեւորն այն է, որ մենք հաղթեցինք: Կյելինին ընկերս է, այնպես որ նրան կասեմ, որ այլեւս չընկնի այդպիսի իրավիճակներում: Այդպես անել չի կարելի:
«Յուվենտուսը» դեռ ֆավորիտ է մնում այս զույգում: Պատասխան խաղում հանդես ենք գալու աշխարհի ամենաանհյուրընկալ ստադիոններից մեկում: Ունենք հաջորդ փուլ դուրս գալու հրաշալի շանս, սակայն մեզ համար հեշտ չի լինելու:
VAR-ն ազդում է ինձ վրա, սակայն ինչ կարող ես անել: Լավ է, որ մեր դարպասին ոչինչ չնշանակեցին տեսակրկնապատկերների պատճառով»,- Մորատայի խոսքը մեջբերում է Marca-ն:
Հիշեցնենք, որ Մադրիդում կայացած խաղում իսպանական ակումբը հաղթել էր 2:0 հաշվով: Պատասխան հանդիպումը տեղի կունենա մարտի 12-ին Թուրինում:
Հետևեք NEWS.am SPORT-ին Facebook-ում, Twitter և Telegram-ում
01:10 , 26 ապրիլի 
00:57 , 26 ապրիլի 
00:32 , 26 ապրիլի 
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
