Բրիտանական Մեն կղզում անցկացվող Isle of Man շախմատային մրցաշարի չորրորդ տուրում Հայաստանի հավաքականի առաջատար Լեւոն Արոնյանը սեւերով մրցեց Իսրայելի ներկայացուցիչ Բորիս Գելֆանդի հետ եւ 18-րդ քայլում բավարարվեց ոչ ոքի արդյունքով: Արոնյանն ու Գելֆանդը վաստակել են 3-ական միավոր: Երեք տուրից հետո 3-ական միավոր վաստակած 5 առաջատարների մասնակցությամբ պարտիաները դեռ չեն ավարտվել:
Isle of Man-ին մասնակցում են 37 երկրների 165 շախմատիստներ, այդ թվում՝ 75 գրոսմայստեր: Մրցաշարի մասնակիցների թվում են նաեւ աշխարհի նախկին չեմպիոններ Վիշվանաթան Անանդը եւ Վլադիմիր Կրամնիկը, ամերիկացիներ Ուեսլի Սոն ու Հիկարու Նակամուրան, ռուսաստանցիներ Սերգեյ Կարյակինը եւ Ալեքսանդր Գրիշչուկը:
Հետևեք NEWS.am SPORT-ին Facebook-ում, Twitter և Telegram-ում