Թենիսի ԱՄՆ-ի բաց առաջնության հաղթողի կոչումը նվաճեց աշխարհի նախկին առաջին ռակետ Նովակ Ջոկովիչը:
Եզրափակիչում սերբ թենիսիստը 3 սեթում վստահ հաղթանակ տարավ արգենտինացի Խուան Մարտին դել Պոտրոյի նկատմամբ՝ 6:3, 7:6, 6:3: Թենիսիստները կորտում անցկացրին 3 ժամ 15 րոպե:
Ջոկովիչը դարձավ «Մեծ սաղավարտի» մրցաշարերի 14-ի հաղթող: Այս տարի նա հաղթել էր նաեւ Ուիմբլդոնում:
Հիշեցնենք, որ US Open-ը «Մեծ սաղավարտի» տարվա վերջին մրցաշարն է: Այս տարի հաղթողի տիտղոսը չկարողացավ պաշտպանել աշխարհի առաջին ռակետ Ռաֆայել Նադալը, որը կիսաեզրափակիչում պարտվել էր Դել Պոտրոյին:
Նովակ Ջոկովիչը US Open-ում հաղթել էր նաեւ 2011-ին ու 2015-ին:
Հետևեք NEWS.am SPORT-ին Facebook-ում, Twitter և Telegram-ում