11:10  ,  15 հուլիսի, 2018

Դավոր Շուկեր. 1998-ին մտածում էինք, որ այլեւս երբեք չենք կրկնի այն արդյունքը

1998թ. աշխարհի առաջնության բրոնզե մեդալակիր, Խորվաթիայի ֆուտբոլային միության նախագահ Դավոր Շուքերն աշխարհի առաջնության եզրափակիչում Խորվաթիայի հավաքականից ակնկալում է անմոռանալի ներկայացում:

«1998 թվականին մենք մտածում էինք, որ այլեւս երբեք չենք կարողանա կրկնել այն արդյունքը՝ կիսաեզրափակիչ հասնելը: Բայց պետք է երազել, եւ երազանքը կդառնա իրականությունը: Ամբողջ Խորվաթիան, մեր բոլոր համայնքները ԱՄՆ-ից մինչեւ Ավստրալիա ոգեւորված եւ հիացած են: Մենք կարող ենք լինել հոգնած, վնասվածքներով, բայց տեսեք, թե մեր հավաքականն ինչպես պայքարեց Անգլիայի դեմ խաղում: Մենք նույնը ակնկալում ենք եզրափակիչում, բոլորս վայելելու ենք վճռական խաղը եւ սպասելու անմեռանալի ներկայացում»,- Դավոր Շուքերի խոսքը մեջբերում է RT-ն:

Ֆրանսիա - Խորվաթիա եզրափակիչը կմեկնարկի Երեւանի ժամանակով 19:00-ին:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով

  • Լրահոս