Բելգիայից կրած պարտությունը մեծ հարված է մեզ համար, ասել է Բրազիլիայի հավաքականի եւ անգլիական «Լիվերպուլի» հարձակվող Ռոբերտո Ֆիրմինոն աշխարհի առաջնության քառորդ եզրափակիչում պայքարից դուրս մնալուց հետո:
«Դեռ դժվար է ասել, թե ինչ տեղի ունեցավ, որ փուլում սխալներ թույլ տվեցինք: Առայժմ չունեմ պատասխաններ այդ բոլոր հարցերին: Հնարավոր է՝ այդ ամենն ավելի ուշ գիտակցենք»,- Ֆիրմինոյի խոսքը մեջբերում է FourFourTwo-ն:
Հիշեցնենք, որ Բելգիայի հավաքականը բրազիլացիներին հաղթել է 2:1 հաշվով եւ կիսաեզրափակիչում կմրցի Ֆրանսիայի հավաքականի հետ: Հանդիպումը տեղի կունենա հուլիսի 10-ին Սանկտ Պետերբուրգ:
Հետևեք NEWS.am SPORT-ին Facebook-ում, Twitter և Telegram-ում