Աշխարհի առաջնության 1/8 եզրափակիչում Ֆրանսիայի հավաքականից կրած պարտությունից հետո Արգենտինայի հավաքականի եւ անգլիական «Մանչեսթեր Սիթիի» հարձակվող Սերխիո Ագուերոն հայտարարել է, որ չի ցանկանում հեռանալ ազգային հավաքականից:
«Քանի դեռ մարզիչը ցանկանում է, ես կգամ ազգային հավաքական: Իհարկե, ժամանակի ընթացքում կազմում տեղի համար կպայքարեն երիտասարդ խաղացողներ:
Ֆրանսիայի հավաքականից կրած պարտությունը տխրեցրել է մեզ, բայց պետք է շարժվել առաջ»,- Ագուերոյի խոսքը մեջբերում է A Bola-ն:
Հիշեցնենք, որ աշխարհի փոխչեմպիոն Արգենտինան ֆրանսիացիներին պարտվել է 3:4 հաշվով, Ագուերոն դարձել է գոլի հեղինակ փոխարինման դուրս գալուց հետո: Այդ պարտությունից հետո Խավյեր Մասկերանոն եւ Լուկաս Բիլյան հայտարարեցին ազգային հավաքականում կարիերան ավարտելու մասին:
Հետևեք NEWS.am SPORT-ին Facebook-ում, Twitter և Telegram-ում