«Բարսելոնայի» եւ «Դեպորտիվոյի» միջեւ իսպանական Պրիմերայի 16-րդ տուրի խաղում մրցավարները սխալմամբ չեն արձանագրել կատալոնական ակումբի ուրուգվայցի հարձակվող Լուիս Սուարեսի գոլը: Սուարեսի՝ ռաբոնա ոճով հարվածից հետո գնդակը հատել է դարպասային գիծը, սակայն մրցավարները չեն նկատել դա:
Այդ խաղում «Բարսելոնան» տնային հաղթանակ էր տարել 4:0 հաշվով, իսկ Սուարեսը դարձել էր դուբլի հեղինակ:
Հիշեցնենք, որ Իսպանիայի առաջնությունում չի կիրառվում գոլի արձանագրման ավտոմատ համակարգը:
«Բարսելոնան» նմանատիպ իրավիճակում հայտնվել էր նաեւ «Վալենսիայի» դեմ Իսպանիայի առաջնության 13-րդ տուրի խաղում (1:1):
Հետևեք NEWS.am SPORT-ին Facebook-ում, Twitter և Telegram-ում