Մեծ ճնշում չեմ զգում «Արարատում», գլխավորը համառ աշխատանքն է եւ շանսերը օգտագործելը, ասել է մոսկովյան թիմի 19-ամյա հարձակվող Դավիթ Դավիդյանը։ Ռուսական «Նոստայից» տեղափոխված ֆուտբոլիստը Ռուսաստանի երկրորդ դիվիզիոնի ընթացիկ առաջնությունում մասնակցել է 9 հանդիպման եւ խփել 2 գոլ։
«Վստահությունը ձեռք ենք բերել մեր թիմի առաջատարների շնորհիվ։ Նրանք օգնում են եւ ցույց են տալիս թերությունները։ Մեկնարկային կազմում տեղ ունենալու համար կա մրցակցություն, որը միայն ուժեղ է դարձնում ինձ եւ թույլ չի տալիս թուլանալ առաջին հաջողություններից հետո։ Տպավորությունները միայն դրական են։ Ուրախ եմ, որ այսպիսի թիմակիցների եւ մարզիչների հետ եմ աշխատում։ Կձգտենք հաղթել նաեւ մնացած հանդիպումներում։
Պետք է ամրապնդվեմ մեկնարկային կազմում եւ ինչքան հնարավոր է շատ գոլ խփեմ։ Ինձ դրսեւորելու հնարավորություն եմ ստացել։ Հնարավոր չէ չզարգանալ այսպիսի փորձառու խաղացողների եւ մարզիչների հետ։ Անմոռանալի հույզեր են պարգեւում նաեւ մեր երկրպագուները, որոնք միշտ աջակցում են մեզ»,- հայ ֆուտբոլիստի խոսքը մեջբերում է մոսկովյան ակումբի մամուլի ծառայությունը։
Հիշեցնենք, որ այս տարի հիմնադրված «Արարատը» Ռուսաստանի երկրորդ դիվիզիոնի «Կենտրոն» գոտու մրցաշարի 17 տուրից հետո գլխավորում է մրցաշարային աղյուսակը՝ երկրորդ տեղում ընթացող «Ռյազանի» նկատմամբ ունենալով 13 միավորի առավելություն։
Հետևեք NEWS.am SPORT-ին Facebook-ում, Twitter և Telegram-ում