«Բարսելոնայի» գլխավոր մարզիչ Էռնեստո Վալվերդեն պատմել է, թե ինչու արգենտինացի հարձակվող Լիոնել Մեսին Թուրինի «Յուվենտուսի» դեմ Չեմպիոնների լիգայի խմբային փուլի 5-րդ տուրի խաղում չէր ընդգրկվել կատալոնական ակումբի մեկնարկային կազմում:
«Մեսին վնասվածք չուներ: Պարզապես մենք մտածեցինք, որ նա գոնե մեկ անգամ կարող է ստանալ հանգստանալու հնարավորություն: Բացի այդ, մենք չեն մոռանում, որ կարող ենք ուժեղ լինել նաեւ առանց նրա»,- մարզիչի խոսքը մեջբերում է ՈւԵՖԱ-ի կայքը:
Հիշեցնենք, որ Թուրինում կայացած խաղում գրանցվել էր 0:0 հաշիվը, իսկ Մեսին փոխարինման էր դուրս եկել 56-րդ րոպեին:
«Բարսելոնան» Չեմպիոնների լիգայում առաջին անգամ 2 խաղ անընդմեջ ավարտեց գոլազուրկ ոչ ոքիով: Նախորդ տուրում կատալոնացիները հյուրընկալվելիս ոչ ոքի էին խաղացել հունական «Օլիմպիակոսի» հետ:
Չեմպիոնների լիգայի խմբային փուլի վերջին տուրից առաջ 1/8 եզրափակիչի ուղեգիր են ապահովել «Բարսելոնան», Լոնդոնի «Չելսին», ֆրանսիական ՊՍԺ-ն, Մյունխենի «Բավարիան», անգլիական «Մանչեսթեր Սիթին» ու «Տոտենհեմը», Մադրիդի «Ռեալը» եւ Ստամբուլի «Բեշիկթաշը»:
Հետևեք NEWS.am SPORT-ին Facebook-ում, Twitter և Telegram-ում
13:45 , 26 ապրիլի 
12:22 , 26 ապրիլի 
11:14 , 26 ապրիլի 
10:56 , 26 ապրիլի 
10:05 , 26 ապրիլի 
09:41 , 26 ապրիլի 
09:04 , 26 ապրիլի 
01:10 , 26 ապրիլի 
00:57 , 26 ապրիլի 
00:32 , 26 ապրիլի 
