Լեւոն Արոնյանը Շախմատի միջազգային ֆեդերացիայի (ՖԻԴԵ) դասակարգման աղյուսակում առաջադիմել է 2 աստիճան եւ բարձարցել է երկրորդ տեղ: Հայկական շախմատի առաջատարի վարկանիշը 2801 է:
ՖԻԴԵ-ի դասակարգման անփոփոխ առաջատարը շարունակում է մնալ աշխարհի չեմպիոն Մագնուս Կարլսենը, որի վարկանիշը 2826 է: Լավագույն եռյակը եզրափակում է ֆրանսիացի Մաքսիմ Վաշյե-Լագրավը՝ 2794 վարկանիշ:
100 լավագույն գրոսմայստերների ցուցակում տեղ են գտել Հայաստանի հավաքականի եւս 3 ներկայացուցիչներ: Սերգեյ Մովսեսյանը 76-րդն է, Վլադիմիր Հակոբյանը՝ 77-րդը, իսկ Գաբրիել Սարգսյանը՝ 92-րդը:
Հիշեցնենք, որ օրեր առաջ Լեւոն Արոնյանն արժանացել էր Թբիլիսիում անցկացված աշխարհի գավաթի խաղարկության հաղթողի կոչմանը եւ նվաճել նաեւ աշխարհի չեմպիոնի հավակնորդների մրցաշարի ուղեգիր: Եզրափակիչում հայ գրոսմայստերին պարտված չինացի Դին Լիրենը բարձրացել է 11-րդ տեղ: Սեպտեմբերի 30-ին Արոնյանն ամսուսնանում է Արիանա Կաոիլիեի հետ:
ՖԻԴԵ, սեպտեմբերի դասակարգման աղյուսակ
1. Մագնուս Կարլսեն (Նորվեգիա) - 2826 վարկանիշ
2. Լեւոն Արոնյան (Հայաստան) - 2801
3. Մաքսիմ Վաշյե-Լագրավ (Ֆրանսիա) - 2794
4. Ֆաբիանո Կարուանա (ԱՄՆ) - 2794
5. Վլադիմիր Կրամնիկ (Ռուսաստան) - 2794
6. Շախրիյար Մամեդյարով (Ադրբեջան) - 2791
7. Ուեսլի Սո (ԱՄՆ) - 2788
8. Ալեքսանդր Գրիշչուկ (Ռուսաստան) - 2785
9. Վիշվանաթան Անանդ (Հնդկաստան) - 2783
10. Հիկարու Նակամուրա (ԱՄՆ) - 2774
11. Դին Լիրեն (Չինաստան) - 2772
76. Սերգեյ Մովսեսյան (Հայաստան) - 2671
77. Վլադիմիր Հակոբյան (Հայաստան) - 2667
92. Գաբրիել Սարգսյան (Հայաստան) - 2657
Հետևեք NEWS.am SPORT-ին Facebook-ում, Twitter և Telegram-ում