Ֆուտբոլի Եվրոպայի լիգայի որակավորման վերջին փուլի առաջին խաղում Մակեդոնիայի «Վարդարն» ընդունեց թուրքական «Ֆեներբահչեին» եւ առավելության հասավ 2:0 հաշվով:
Հանդիպման հաշիվը 20-րդ րոպեին բացեց Հայաստանի հավաքականի եւ «Վարդարի» կիսապաշտպան Տիգրան Բարսեղյանը, որը հանդես էր գալիս կենտրոնական հարձակվողի դիրքում եւ անցկացրեց ամբողջ հանդիպումը:
Հայ ֆուտբոլիստը գոլի դրվագում շանս չտվեց սլովակ պաշտպան Մարտին Շկրտելին եւ «Էսպանյոլի» նախկին դարպասապահ, կամերունցի Կարլոս Կամենիին:
Ավելացված երկրորդ րոպեին դաշտի տերերը կարողացան նաեւ կրկնապատկել հաշիվը: Ինքնագոլի հեղինակ դարձավ թուրք կիսապաշտպան Մեհմետ Տոպալը:
Ամբողջ հանդիպմանը մասնակցեց նաեւ «Վարդարի» եւ Հայաստանի հավաքականի պաշտպան Հովհաննես Համբարձումյանը:
Պատասխան հանդիպումը Ստամբուլում տեղի կունենա մեկ շաբաթ անց:
Եվրոպայի լիգա, որակավորման վերջին փուլ, առաջին հանդիպում
«Վարդար» (Մակեդոնիա) - «Ֆեներբահչե» (Թուրքիա)՝ 2:0
Տիգրան Բարսեղյան, 20, Մեհմետ Տոպալ, 90+2, ինքնագոլ
Հեռացումներ՝ Բոբան Գրնչարով («Վարդար»), 89, երկրորդ դեղին քարտ - Ժոզեֆ Սոուզա («Ֆեներբահչե»), 90+4
Հետևեք NEWS.am SPORT-ին Facebook-ում, Twitter և Telegram-ում