Մալխաս Ամոյանը ոսկե մեդալ չնվաճելու իրավունք չուներ, ոսկին, պարզապես, նվիրեցին իրանցուն, ասել է հունահռոմեական ըմբշամարտի աշխարհի երիտասարդական առաջնության օրերին Ֆինլանդիայի Տամպերե քաղաքում հավաքականի մարզիչներին օգնած Ռոման Ամոյանը: Նա Մալխաս Ամոյանի հորեղբայրն է: Հիշեցնենք, որ Մալխաս Ամոյանը նվաճել է փոչեմպիոնի կոչումը:
«Շնորհավորում եմ բոլորիս: Մալխասի արծաթե մեդալը միայն իրենը չէ՝ բոլորինս է: Նա դժվարին ու տպավորիչ գոտեմարտեր անցկացրեց՝ հաղթելով ուժեղ մրցակիցների: Մալխասը ոսկե մեդալ չնվաճելու իրավունք չուներ: Ոսկին, պարզապես, նվիրեցին իրանցուն: Ճիշտ է, դրանում Մալխասն էլ մեղավորություն ուներ: Ըմբշամարտի կանոններով, երբ մարզիկը ոտքը դուրս է դնում գորգի սահմաններից, մրցակցին մեկ միավոր է տրվում: Բայց այս դեպքում մրցավարները Մալխասին պատժեցին երկու միավորով: Հաշիվը դարձավ 3:3 ու հաղթանակը շնորհվեց իրանցուն: Ես սա պարտություն չեմ համարում: Բայց վստահ եմ, որ Մալխաս Ամոյանը դեռ իր խոսքը կասի մրցագորգում եւ ինձ էլ կգերազանցի»,- Ռոման Ամոյանի խոսքը մեջբերում է ՀԱՕԿ-ի լրատվականը (armnoc.am):
Հիշեցնենք, որ Մալխաս Ամոյանը մեկնարկել էր որակավորման փուլից եւ, հաղթելով մոլդովացի Վալենտին Պետիչին (9:0), ուկրաինացի Անդրի Պարցեին (8:0), ադրբեջանցի Նամազ Ռուստամովին (5:1) եւ թուրք Մուրատ Ֆիրատին (3:3), դուրս էր եկել եզրափակիչ՝ պարտվելով իրանցի Ամին Կավիյանինեջադին:
Հետևեք NEWS.am SPORT-ին Facebook-ում, Twitter և Telegram-ում
18:01 , 26 ապրիլի 
17:05 , 26 ապրիլի 
16:06 , 26 ապրիլի 
15:26 , 26 ապրիլի 
14:52 , 26 ապրիլի 
14:03 , 26 ապրիլի 
13:45 , 26 ապրիլի 
12:22 , 26 ապրիլի 
11:14 , 26 ապրիլի 
10:56 , 26 ապրիլի 
